العيون

نعنَبوها من عيون خبّلت فيني خبال
زلزلت فيني المشاعر نعنَبوها من عيون
رمشها سهم(ن) وقاتل حرمته قتل(ن) حلال
يجعل الغازي أسيره حتى لو سيفه فنون
من سحرني رمش عينه حالتي صارت بحال
كل ما فيني تبعثر من على راسي ودون
جيت أناظر بالمرايه خالني رسمه بدال
حتى في هاجس صلاتي نظرته دايم فتون
رحمتك ربي وعفوك من حكي عاشق يقال
سهمها باقي بقلبي و الحكي مني جنون
صاحب الرّمش المكرّم يا بعد كل الجمال
يا سليل الحسن أنتَ يا ندى كل الغصون
طالبك تنهي القضيّه و ينتهي كل الجدال
يا أنا داخل عيونك أو عيونك لي تكون

خطايا النت

 

عفا الله عن خطايا النت وخذ مني القصص أمثال
يشيب الراس لـو تعـرف عن اللـّي حاصل(ن) فينـي
تقابلنا علـى شاشـه وكانـت بيننـا مرسـال
اناجـي طيفهـا منهـا وهـي منهـا تناجينـي
تسامرني على القمره ونا معها علـى ذا الحـال
وتشكي ماحصل معهـا بحـرق القلـب تحكينـي
تطـوّر حالنـا ليلـه وقلبناهـا علـى الجـوال
تحـس بصوتهـا مدفـا بعـز البـرد تدفّينـي
تصوّر حالتي معها يجيني احساس كـالاطفـال
تدللنـي تنسينـي همـوم الوقـت وتحييـنـي
وتهمس في صدى ليلـي أحبـك حـب ياقتّـال
دخيلـك يابعـد ناسـي اجـي يمّـك تسلينـي
وش اوصف في حلاها يوم لفتني هـالوجه بقبال
حلاهـا ينقـل العقّـال لمستشفـى المجانينـي
جميلـه آآه محلاهـا ولايمكـن لـهـا تمـثـال
حقيقه مالقيت اجمل من الـي شافتـه عينـي
وفي مره ونا جالس سواليـف وعلـوم رجـال
وكل الناس من حولـي وفـي يـدي فناجينـي
اسولف وانقطع صوتي على رنه مـن الجـوال
ترن لواحد(ن) جنبي نسيـت معهـا عناوينـي
سمعت الضحكه اعرفها ومعها صار لـي مـوال
عرفت الضحكه من هي له..دليلي من شراينـي
تحـرك كـل مافينـي وارضـي هزهـا زلـزال
وحالـي صـار متلخبـط وافكـاري تحادينـي
اخاف انطق اخاف اصرخ اخاف النوح بالولـوال
اخذت الشخص وكلمته كـلام(ن) بينـه وبينـي
ضحك من قلب علمني علـوم(ن) كنهـا بهبـال
اثاريهـا خويّـه لـه ونـا ضمـن المزاينـي
اثاري طول هالفتره وهي فـي نفسهـا منـوال
مريضـه ودّهـا تفرفـش اداريهـا وتكوّيـنـي
حلفت ابعد عن الشاشه وصرت امشي مع الامثال
حـرام انـي اقابلهـا كفايـه ماجـرى فيـنـي